எங்கள் பணிகள் பற்றி

சமூக மட்டத்தில் தற்போதுள்ள மன்றங்களுடன் SEDR இணைந்து பணியாற்றுகின்றது. சமூக மட்டத்திலுள்ள எதிர்ப்புக் காட்டும் அல்லது செவிசாய்க்கப்படாத தரப்புகளுக்கிடையே மத்தியஸ்தம் செய்யக்கூடிய மற்றும் எல்லோரையும் உள்வாங்கும் தன்மையுள்ள அமைப்புகளாக அந்த மன்றங்களின் ஆற்றல்களைக் கட்டியெழுப்புவதற்கும் சமூகங்களுக்கு இடையே கூடுதலான ஒருங்கிணைப்பு மற்றும் ஒத்துழைப்பை வளர்ப்பதற்கும் SEDR முயற்சி செய்யும். அத்துடன் இச் செயற்தளத்தில்  உள்ளுராட்சி மன்றங்கள் மற்றும் சிவில் சமூக அமைப்புகளினால் மேற்கொள்ளப்படும் முன்னெடுப்புகளில் சமூகங்களை ஒருமித்துதலும் உள்ளடங்கும். வடக்கு, கிழக்கு, ஊவா ஆகிய மூன்று மாகாணங்களில் தெரிவு செய்யப்பட்ட சமூகங்களை மையப்படுத்திய வகையில் இச் செயற்பாடுகள் அமையும்.

​

பிரதேச மட்டத்தில் ஊவா மாகாணத்திலுள்ள இரண்டு மாவட்டங்களில் பயிற்சி வழங்குபவர்களின் ஆற்றல்களைக் கட்டியெழுப்புதல், அவர்களுக்கிடையிலான ஒருங்கிணைப்பை மேம்படுத்துதல், காணி சம்பந்தமான விசேட மத்தியஸ்தச் சபைகளை (SMBs) ஏற்படுத்த இலங்கை அரசாங்கத்திற்கு உதவுதல் ஆகியவற்றிற்காக நாம் செயற்படுகின்றோம். 

​

தேசிய மட்டத்தில் மத்தியஸ்த பயிற்சி அலுவலர்களுக்கான பயிற்சிக்கு உதவுதல், தேசிய ரீதியாக சமூக மத்தியஸ்தர்களின் அடுத்த தொகுதியினருக்கு உதவுதல் ஆகிய செயற்பாடுகளில் கவனம் செலுத்துவதன் மூலம் மக்களுக்கு வழங்கப்படும் மத்தியஸ்தத்தின் தரத்தை மேம்படுத்துவதற்கு நாம் பணியாற்றுகின்றோம். மத்தியஸ்த சேவைகளுக்கு உதவுதல், அதன் பின்னாலுள்ள நடைமுறைகள் பற்றியும் மத்தியஸ்தச் சபை ஆணைக்குழுவின் பாடசாலை மத்தியஸ்த திட்டத்தின் ஊடாக இளைய தலைமுறையினருக்குக் கிடைக்கும் நன்மைகள் உட்பட பரந்துபட்ட மக்களுக்குக் கிடைக்கும் மத்தியஸ்த செயன்முறையின் நன்மைகள் பற்றியும் விழிப்புணர்வு மற்றும் புரிந்துணர்வை அதிகரித்தல் ஆகியனவும் எமது பணிகளில் உள்ளடங்குகின்றன.